VOV4.M’nông: Tĭng N’gâng kan dak si Dak Nông, kơp ntơm 6h ôi 1/3 tat 6h ôi 2/3, lam n’gor Dak Nông hŏ kơp dơn geh 1.391 nŭih ntưp srê Covid-19, n’hao rnoh nŭih ntưp bah n’gor tât 18.236 nŭih. Tâm nê, âk ngăn nŭih bah ji, geh 39 nŭih khĭt, rnôk aơ Dak Nông hôm bơi tât 4.400 F0 dôl săm tâm ngih, 606 nŭih săm tâm ngih dak si. Knŭng êng tâm Gia Nghĩa tâm di pơh geh rlau 1.400 nŭih F0, geh ¼ rnoh ntưp mhe tâm lam n’gor.

Bah năp nau tât bah srê Covid-19, UBND TP Gia Nghĩa hŏ geh nau rđau ƀư ân rjăp nau kan tăch rgâl tâm lam nkuăl. Ăp ntŭk rƀŭn rgum pah kan mô rlau 10 nŭih tâm du ntŭk. Nau ƀư kan rgum tâm ngih, bah dih tach ân geh đăp mpăn tŏng chuh 2 nglai vắc xin mô lah săm bah srê Covid-19 tâm 6 khay ndrel ƀư rjăp 5K./.

Nŭih rblang: H’Thi