Nau mbơh tâm rnôk âk nŭih ƀon lan n’gor Dak Nông ji nuih tâm mạng xã hội hăn rvăt ndơ dŏng dak si gay ma pă ân ngih dak si rek săm, rđau kan ngih dak si Đa khoa n’gor Dak Nông hŏ mbơh nau aơ. Nai dak si Trần Duy Dũng, Groi Giám đốc ƀư nau kan Ngih dak si Đa khoa n’gor Dak Nông mbơh, nau mô tŏng ndơ dŏng dak si tâm ngih dak si geh ntơm năm 2022 tât rnôk aơ. Tâm nê, găng ty, dĭng sreng dak, play rek, dak si hướng thần...lah ăp ntil ndơ vay mô tŏng.

Mpeh nkô̆ ƀư nau mô tŏng, nai dak si Dũng mbơh, yor nau kan rvăt năp hôm tât âk nau nkol ndrel nau tăch gưl tâm rnôk tăch pă jêh rnôk geh nkol bah srê Covid-19. Năm 2022, ngih dak si ƀư 15 nau kan rvăt ndơ dŏng dak si, đah rnoh 38 rmen, yơn knŭng geh 5 nau kan đah rnoh 10 rmen geh ƀư dơi. Ndri ma, nai dak si Trần Duy Dũng đă, n’gâng kan dak si n’gor Dak Nông ƀư tơm, ƀư nau rvăt năp rgum, bah nê n’huch nau khuch ân nai dak si bah ăp ngih dak si./.