VOV4.Mnông- Lah n’gor bôk năp leo lor ta Tây Nguyên mpeh rnoh chuh vac xin njrăng Covid-19, n’gor Dak Nông lĕ lôch ƀư chuh vac xin nglai 2 an nuĭh bâh 12 tât 17 năm deh, n’hanh aƀaơ dôl ngăch chuh ntop tay nglai 3 an nuĭh bâh rlău 18 năm deh.

Rnoh chuh vac xin âk lĕ ntop kơl an rnoh nuĭh khĭt yor Covid-19 ta Dak Nông hŭch âk ngăn ta lam dak. Tât aƀaơ lam n’gor lĕ lôch chuh nglai 2 an oh bâh 12 tât 17 năm deh geh rlău 96%. Pơh ba năp, n’gor lĕ dơn geh 110 rbăn dĭng vacxin ăp ntil gay ma chuh tay nglai tal 3 an nuĭh ƀon lan. Kơp tât nar 13/1, n’gor Dak Nông lĕ kơp dơn 6553 nuĭh ntưp Covid-19, tâm nĕ lĕ rngôch lĕ săm bah, kanŭng geh 15 nuĭh khĭt dơm.

Nuĭh rblang: Thị Đoắt