Trung tâm Y tế nkuâl Chư Sê Gia Lai mhe dơn săm 3 oh nô khêh tă bah sa puăch n’hanh tăp kĭt ndrat. Aƀaơ 2 hê kon se khĭt, 1 hê dôl săm ndal. Ôi 11/1, oh Siu N (deh năm 2013, gŭ ta thôn Tào Roong, xã Ia Pal, nkuâl Chư Sê gŭch kĭt ndrat sa n’hanh bar hê oh he lah Siu H, deh năm 2020 n’hanh Siu T, deh năm 2018.

Tât 11h n’gul ndrel nar, me bơ̆ saơ kon se bĭch wăm ta jay, mô dơi hăn ăch chrach jêng njŭn tât Trung tâm Y tế nkuâl Chư Sê kơl săm ndal. Rnôk lăp nhih dak si 12h ndrel nar, oh Siu N hŏ tăch n’hâm n’hanh khĭt lôch nê n’hanh dơi me bơ̆ nsĭt jay. Oh Siu H lăp nhih dak si tâm rnôk lêt, luh n’hak âk, play nuih tâm râp ngăch, suan mham djôr, nchroh khêh puăch kĭt ndrat ta rnoh jru. Ta trong njŭn hăn tât nhih dak si bah lơ, Siu H hŏ khĭt đŏng.  Oh Siu T dơi nchroh khêh puăch kĭt ndrat ta rnoh dah găp, aƀaơ dơi nsrôih săm ta Khoa sĭt dăng tay n’hâm suan n’hanh chrai khêh -  Nhih dak si kon se Gia Lai./.