Ntơm bôk năm 2023 tât rnôk aơ, ta n’gorGia Lai hŏ geh 5 nŭih khĭt yor ji ndrăng. Nŭih khĭt yor ji ndrăng mhe ngăn nê lah wa Đ.T.C (deh năm 1956, ta thôn Đà Bắc, xã Ia Lâu, nkuăl Chư Prông). Tĭng nê, tâm khay 10/2022, wa C geh so ngih păng nơm kăp tâm jâng. Jêh rnôk so ngih păng geh bu dong khĭt. Wa C rao êng ntŭk sôt ma dak kloh, ntôn mô geh nau khuch ri mô hăn ngih dak si gay ma chuh njrăng vắc xin njrăng nau ji. Ntơm bôk năm tât 2023 tât rnôk aơ, ta Gia Lai hŏ geh 5 nŭih khĭt yor ji ndrăng.

Tĭng nau kơp, lvang năm 2015-2022, n’gor Gia Lai hŏ kơp dơn geh 33 nŭih khĭt yor nau ji aơ. Tĭng ntŭk kan nkân njrăng srê ji n’gor Gia Lai, nau ji ndrăng hôm ơm tâm n’gor lah yor nau rêh văng sa hôm jêr, ƀon lan mô njrăng tât nau chuh njrăng nau ji jêh rnôk so kăp. Nau vay rong so, meo m’ơk ling kŏ ƀư jêr tâm nau njrăng ndrel nkân nau ji jêr lơn./.