VOV4.M’nông – Aƀaơ ăp ngih dak si gưl n’gor săm duh rtoh mham rih ta Gia Lai dôl tâm nu nău âk ir yor rnoh nuĭh ji duh rtoh luh mham rih na nao dơi ndơ̆ bah ăp ngih dak si nkuăl. Tâm rnoh 3608 nuĭh duh rtoh luh mham rih n’gor Gia Lai kơp dơn bah bôk năm tât nar 21/8 geh tât 70% nuĭh ji an lăp săm, tâm nĕ rlău n’gul rnoh nuĭh lăp ngih dak si an njŭn bah ăp ngih dak si nkuăl hao bah lơ.

Rnoh kon se săm duh rtoh mham rih ta Ngih dak si Nhi Gia Lai dôl dŭt âk nkôp đah ăp nuĭh ji êng.

Aƀaơ hin Ngih dak si Đa khoa n’gor Gia Lai, Ngih dak si Nhi Gia Lai, Ngih dak si nkual ƀon têh Pleiku lĕ an bơi 50% nsưng ji gay săm nuĭh ji nduh rtoh mham rih, dŭt âk lah nuĭh ji bah ăp nkuăl hao tât. Tĭng ăp nai dak si, năm aơ Type kaman âk lơn ăp năm bah năp, ƀư ăp nuĭh jêng mbăn âk lơn năm bah năp. Rmôt nai dak si Gia Lai đă tay rmôt nai dak si n’hanh dak si, ndơ dŏng, rnoh nsưng ji gay săm an nuĭh ji.

Nuĭh rlang: Y Sưng Phê Ja