Lơ 27/9, Viện vệ sinh Dịch tễ Trung ương tâm rgop nsum ma UBND n’gor Gia Lai ƀư rơh rƀŭn “N’hao nau kan bah ăp ding geh tât tâm nau ƀư ăp nau kan rgum tâm nau njăng, rdâng ji ndrăng bah bôk nau kan neh dak năm 2022-2030”. Tĭng nau mbơh ta rơh rƀŭn, rnoh nŭih khĭt yor ji ndrăng bah lam dak ntơm bôk năm tât rnôk aơ lah 64 nŭih, geh tâm ăp n’gor, kơt: Gia Lai, Nghệ An, Điện biên, Bình Phước. Tâm nê, Gia Lai geh 11 nŭih, lah n’gor geh nŭih khĭt yor ji ndrăng âk ngăn lam dak, kŏ lah n’gor geh âk nŭih ji tâm ăp năm ma aơ.

Tâm rnôk tâm nchră, ăp ntoh măt mbơh nau dôl geh ndrăng tâm nŭih ta Việt Nam ndrel nkuăl Tây Nguyên, jêr jŏt ntul rlong ndrel ntrong rklaih, nchră nau kan mât ndrel n’hao nau chuh vắc xin tâm mpôl so, ăp nau kan njrăng ji ndrăng tâm kon nŭih, nau kan ndrel nau ƀư bah n’gâng kan geh tât bah n’gor...Tĭng nau nkah bah ăp nŭih tâm rơh rƀŭn, rnôk aơ nau ji ndrăng hôm ê geh dak si săm bah. Nau săm bah ueh ngăn rnôk aơ lah chuh n’gang ji ndrăng tâm mpa rong ndrel chuh njrăng ân nŭih geh so, eo ntôn ji ndrăng kăp, nau tam ngăn lah chuh lor 24 mông rnôk geh mpa kăp./.