Bah năp nău mih nar ndal, ji luh mham rih ta n’gor Gia Lai dôl geh dŭt hô đah rlău 700 nuĭh ntưp ji bah bôk năm tât aƀaơ. Tĭng ntŭk rgum mât kân  kop ji n’gor Gia Lai, ji luh mham rih hŏ ntoh ta lĕ 17 nkuâl, thị xã, nkual ƀon têh đah 732 nuĭh ntưp, hao 2,4 tơ̆ rđĭl đah ndrel khay dja năm e. Ăp nkuâl geh rnoh nuĭh ntưp âk lah Krông Pa, Ayun Pa, Ia Pa n’hanh nkual ƀon têh Pleiku. 

Tĭng n’gâng kan dak si Gia Lai, ji luh mham rih mbra hao  âk tay n’hanh mbra tât jêng krit nji tâm let năp tay rnôk mih âk, trôk nar l’ĭt mbĕ, lah ntŭk gay tăp măch deh rơ̆. Yor kơt nê̆, ndrel đah ăp nău nsrôih bah n’gâng kan dak ri ri nău ƀư lor bôk năp lah nuĭh ƀon lan ân gĭt njrăng n’gang êng ji luh mham rih./.