VOV4.M’nông: Tĭng ntŭk kan nkân njrăng srê ji n’gor Gia Lai, rnôk aơ ji rtoh trong mham ntoh dăng tâm 17 nkuăl, nkuăl têh, nkuăl ƀon têh, đah 2.414 nŭih, hao rlau 6 tŏ rđil rơh aơ năm e. Knŭng ntơm khay 6 tât rnôk aơ, Gia Lai geh nklăp 200 nŭih ntưp rtoh trong mham. Ăp nkuăl geh rnoh nŭih ntưp rtoh trong mham âk ngăn lah nkuăl Ia Grai, nkuăl ƀon têh Pleiku, Krông Pa, Ia Pa...

Kŏ tĭng n’gâng kan dak si Gia Lai, rnoh nŭih ji rtoh trong mham mra hao âk ân tât khay 10 năm aơ yor lah geh mih âk, bri l’ĭt hô, lah ntŭk nơih ân bu bi tăp măch hao âk. Ndri ma, êng nau nsôih bah ntŭk kan dak si tâm nau njrăng ji rtoh trong mham ri ƀon lan ân uănh njrăng tât nau răk kloh ntŭk ntu, ngăn lah mô ân geh dak rngân êp ngih, jut lơi ntŭk bu bi deh tăp./.

Nŭih rblang: H’Thi