VOV4.M’nông: Rơh rlau aơ, rnoh nŭih ntưp ma srê Covid-19 mhe tâm Gia Lai hao ngăch, geh nar saơ tât 3000 nŭih. Yơn lah, ntŭk kan dak si ndrel ăp nkuăl tâm n’gor lŏ mâp nau jêr tâm nau rvăt ndơ dŏng dak si kơl an nau kan njrăng rdâng srê. Tĭng wa Nguyễn Đình Tuấn-Groi Giám đốc ƀư nau kan N’gâng kan dak si Gia Lai, ntơm năm 2022, UBND n’gor jao ân ăp ntŭk kan dak si ndâk njêng êng ƀư nau kan rvăt năp ndơ dŏng tâm nau njrăng, rdâng srê Covid-19, du đê̆ ntŭk pă năn mpeh rnoh ndơ dŏng, dak si tĭng nau nchrăp kan. Âk rmôt kan dak si tâm nkuăl mô rvăt mâng test ngăch đah SARS-Cov2 yor rnoh tăch rgâl khlay lơn rđil N’gâng kan dak si nchih mbơh. Ndrel tĭng wa Nguyễn Đình Tuấn, nau nkol têh ngăn lah nau rvê mpeh nau rvăt, nau kol ndrel nau leo jao prăk đah rnâng kan rđau nau njrăng rdâng srê tâm nkuăl đah n’gâng kan dak si./.

Nŭih rblang: H’Thi