VOV4.M’nông: Lơ 8/8, wa Lê Văn Trí-Giám đốc Ngih dak si nkuăl Chư Prông, n’gor Gia Lai năl tâm nkual mhe kơp dơn geh du hê nŭih khĭt yor ji ndrăng tâm nkuăl têh Chư Prông. Nŭih khĭt lah Nguyễn Văn Trịnh (1970, gŭ tâm tổ dân phố 6, nkuăl têh Chư Prông). Wa Trịnh ntơm geh nau ji ntơm lơ 18/7 đah ăp nau mpơl klach ma dak, klach ma sial, klach ma ang ndrel kn’hăk. Lơ 19/7, wa Trịnh geh leo lăp ngih dak si Đa khoa n’gor Gia Lai jêh ri geh ntrơn leo tât Ngih dak si Nhiệt đới Trung ương ndrel khĭt jêh nê du nar.

Tĭng nau năl bah ntŭk kan nkân njrăng srê ji n’gor Gia Lai, tâm du năm ma aơ, nau ji mô geh mâp so, eo kăp. Yơn lah bah năp nau ntoh ji 15 nar, wa Trịnh geh dônh du mlâm eo khĭt jêh ri hăn tâp (eo khĭt mô năl geh nau ji ndrăng đŏng lah mô). Jêh rnôk tâp, wa Trịnh mô chuh dak si rdâng ji ndrel vắc xin njrăng ji yor mô gĭt geh ntưp nau ji. Aơ lah nŭih khĭt tal 4 yor ji ndrăng tâm n’gor Gia Lai kơp ntơm bôk năp 2022 tât rnôk aơ./.

Nŭih rblang: H’Thi