Lơ 22/12, Ntŭk kan nkân njrăng srê ji n’gor Gia Lai mbơh mhe kơp dơn geh tay du hê nŭih khĭt yor ji ndrăng tâm nkuăl Đức Cơ. Aơ lah nŭih tal 4 khĭt yor ndrăng tâm nkuăl aơ ndrel lah nuưih tal 14 tâm lam n’gor kơp ntơm bôk năm tât rnôk aơ. Nŭih khĭt lah mon Trần Dương Minh C (deh năm 2017, gŭ tâm ƀon Al Gôn, xã Ia Din, nkuăl Đức Cơ. Tĭng nau bah nŭih tâm rnăk nŭih khĭt, bah rnôk aơ nklăp 3 khay, ngih khân păng rong so tâm ngih, kuach ma păng mô geh hăn chuh vắc xin ndrel huyết thanh rdâng njrăng.

Jêh rnôk kơp dơn nŭih khĭt yor ndrăng, Ntŭk kan ngih dak si nkuăl Đức Cơ hŏ nkoch mbơh ma rnăk vâl ndrel ngih bah rnăk vâl mpeh nau khuch bah nau ji ndrăng, gay n’hao nau gĭt bah nŭih ƀon lan tât nau kan chuh njrăng văc xin jêh rnôk so ndrăng kăp mô lah tât ngih dak si gay geh nau mbơh. Đah 14 nŭih khĭt yor ji ndrăng, Gia Lai dôl lah n’gor geh rnoh nŭih khĭt âk ngăn tâm lam dak tâm năm 2023./.