VOV4.M'nông: Tâm rlău 1 khay aơ, Nhih dak si kon se n'gor Gia Lai hŏ dơn săm an rlău 800 nuĭh geh ntưp ăp nău ji mpeh n'hôr n'hâm âk 1/3 lĕ rngôch rnoh nuĭh ntưp ji ntơm bah bôk năm tât aƀaơ. Ta Khoa Nội tổng hợp-Y học cổ truyền (Nhih dak si kon se n'gor (Gia Lai) geh 163 nsưng bĭch ji. Yơn lah, tâm rnôk dja Khoa hŏ n'hanh dôl dơn săm an rlău 200 kon se ji ân ntop rkơl tay nsưng ji.

Tâm rnoh dja geh bơi 80% kon se ntưp ăp nău ji mpeh n'hôr n'hâm kơt: ji kop siăk, ji môr rmlông ko, môr klơm soh...lĕ rngôch ăp kon se geh ntưp ji ta nâm 5 năm deh. Bác sĩ Từ Thị Mai Linh, Groi Giám đốc Nhih dak si kon se n'gor Gia Lai an gĭt: Khay dja trôk nar duh ndal, dơh an ăp ntil kaman rơ̆ jêng ntưp nău ji. Mpeh bah nhih dak si ri hŏ nchrăp dăp rgum tay nuĭh kan, nsưng gay ăp kon se bĭch n'hanh săm ji tâm di  n'hanh geh nău tam. Nkre nchrăp dak si, ndơ dŏng kan dak si geh tât nău săm ji n'hôr n'hâm".

Nuĭh rblang: Điểu Thân