VOV4.M’nông-N’gor Gia Lai dôl ngăch ndăn mbơh ƀư âk trong kan gay ma n’hao rnoh chuh vaccine Covid-19 an oh kon se bâh 5 tât ba dâng 12 năm deh. Gay ma n’hao rnoh chuh n’gang n’gor lĕ geh pơk ăp ntŭk chuh tât ăp ƀon lan. Wa Đinh Hà Nam- Groi giám đốc ntŭk kan dak si n’gor Gia Lai an gĭt, lĕ rnoh oh kon se rmôt bâh 5 tât ba dâng 12 năm deh ta n’gor tŏng nău dơi chuh vaccine Covid-19 lah rlău 212 rbăn oh.

Kơp tât ôi nar 10/9, n’gor Gia Lai lĕ geh chuh rlău 170.700 dĭng vaccine Covid-19 an rmôt năm deh aơ, n’gor Gia Lai lĕ n’hanh dôl nsrôih mbơh ƀư âk trong kan kơt lah: Tâm rgop na nê̆ đah n’gâng kan thông tin n’hanh truyền thông, n’gâng kan ntĭm nti ta nău mbơh tơih, rgŏ jă mê̆ bơ̆ kon hoc, n’hao nău uănh nđôi, uănh năl, ntrŭt đă mbơh tơih chuh n’gang bâh ntŭk kan ba dâng.

Nuĭh rblang: Thị Đoắt