Kơp tât lơ 30/10, n’gor Gia Lai geh 12 nŭih khĭt ôr ji ndrăng kơp ntơm năm 2023. Nŭih khĭt mhe ngăn geh kơp dơn tâm nkuăl Đăk Đoa. Ngăn lah, nŭih khĭt lah oh Thái, deh năm 2019, ƀon Bok Rei, xã Đăk Sơ Mei, nkuăl Đăk Đoa. Tĭng nau mbơh ntơm bah nŭih tâm rnăk vâl, tâm n’gul khay 9/2023, Thái geh so rnăk păng nơm kăp. Jêh nê so nê nchuăt du ndrel rnôk aơ mô gĭt hôm rêh mô lah lĕ khĭt. Tât lơ 24/10, Thái ji kop duh, nuih n’hâm phĭt klach, ji lam săk.

Ôi lơ 26/10, păng geh leo tât Ngih dak si nkuăl Đăk Đoa jêh ri leo tât ngih dak si Nhi bah n’gor Gia Lai gay ma săm. Tât 10h30 mnĭt ndrel nar păng khĭt. Rnôk aơ, Ngih dak si nkuăl Đăk Đoa dôl nchueng nkuăl, rklaih ntŭk ndrănh tĭng nau ntrŭnh, nkre nkoch mbơh ma nŭih ƀon lan mpeh nau nchrăp leo tât ngih dak si mbơh mô lah chuh vắc xin rnôk geh so ro ntôn lah ndrănh kăp./.