Tĭng ntŭk kan nkân njrăng srê ji bah n’gor Gia Lai, ntơm khay 8 năm 2023 tât rnôk aơ, nau ji măt chăng hŏ geh tâm 12/17 nkuăl, nkuăl têh bah n’gor, đah rlau 4.600 nŭih. Nau ji dôl ma ntưp ngăch, ngăn lah tâm ăp ngih săm ƀŭt ntơm jrâu 1 tât jrâu 9. Rnôk aơ, ăp ngih săm ƀŭt tâm Gia Lai dôl ma rgum nkoch mbơh ân kon se ndrel me mbŏ kon se mpeh nau njrăng nau ji aơ.

Thạc sĩ, nai dak si chuyên khoa mắt Vũ Phương Việt Hằng-Ntŭk kan nkân njrăng srê ji Gia Lai mbơh: Nau vay, nạu ji măt chăng ntơm rnôk geh ji tât rnôk bah jŏ tâm du pơh. Lah kon se nti êng tâm ngih ri rnôk aơ nau ji mra bah oi ntưp. Bol ma nau ji mô lăng khuch, yơn me mbŏ kon se ân geh kơt tĭng nau ntĭm đă bah ăp ngih dak si./.