Nuh srê  ji măt gŭr hŏ ntoh ta n’gor Gia Lai đah rlău 3000 nuĭh ntưp tâm rlău 1 khay aơ. N’gâng kan dak si Gia Lai nkah njrăng nuĭh ƀon lan tĭng ƀư  ăp trong njrăng n’gang, lơn lah đah kon se jê̆ tâm nhih nti, gay rgop bah ir geh ma nău ntưp rêng. Tâm rlău 1 khay aơ, ăp nhih dak si ta n’gor Gia Lai hŏ năl  geh rlău 3000 nuĭh ji măt gŭr.

Tâm nê, du n’gul dơi but săm ta ăp nhih dak si chuyên khoa ta nkual ƀon têh Pleiku. Rĭng, ăp nar, ăp nhih dak si dơn,  săm nklăp 50 nuĭh ji măt gŭr, geh nar rlău 100 nuĭh. Gay kân bah nuh srê geh nău tam ji măt gŭr, ntŭk rgum mât kân kop ji n’gor (CDC) Gia Lai hŏ geh siƀŭt njuăl tât ăp ntŭk kan  dak si 17 nkuâl, thị xã, nkual ƀon têh. Tĭng nê, dăn đă ăp ntŭk kan dak si n’hao dăng nkoch trêng, groi nđôi, ơm năl saơ n’hanh nkra lơh năn ngăch ăp tơm nuh srê ji măt gŭr ta n’gor./.