VOV4.M'nông- Bâh nar 4 tât 7/10, ta ntŭk kan mbơh joi nău kan Gia Lai, ntŭk kan Lao động thương binh n’hanh xã hội n’gor tâm rgop đah ngih dak si Hoàn Mỹ Đà Nẵng ƀư uănh săm ji play nuih mô sŏk prăk an oh kon se.

Ta rơh uănh săm ji bôk năp, ăp nai dak si lĕ uănh săm ji, mbơh nău mât săm ji an 200 oh kon se geh nău ji play nuih bâh ndul me kơt lah: way geh siăk, jêr nsôr n’hâm, plơ̆ nău ji âk tơ̆, nsôr n’hâm ngăch, ndŭh ntang ntơh rnôk rhôp n’hâm, môr klơm soh, sôt dơ̆..Đah oh kon se lĕ lôch săm rek rĭ đă hăn uănh săk soan tay. Nchrăp, tât lĕ nar 7/10, ăp nai dak si mbra uănh săm an klâp ma 3 rbăn oh kon se ta lam n’gor. Lôch rnôk ăp oh geh uănh săm ji n’hanh geh nău năl ji, mbra geh kơl prăk săm rek tĭng nău ntrŭnh. Aơ lah ngoăy tâm âk nău kan ăp năm bâh ntŭk kan lao động thương binh n’hanh xã hội n’gor Gia Lai tâm nău mât kơl, mât chăm tât oh kon se mô lap geh nău ji play nuih bâh ndul me.

VOV Tây Nguyên/Nuĭh rblang: Thị Đoắt