VOV4.M'nông: Nar 21/2, Văn phòng Chính phủ mbơh si ƀŭt n'glôch jêh bah Groi Thủ tướng Chính phủ Vũ Đức Đam ta rơh hop pơk sŏng dăng lam dak mpeh nô nău pơk tay mpông nhih nti bah ăp n'gor. Tĭng nê, Groi Thủ tướng Vũ Đức Đam đă Bộ Y tế ndăn ngăch rdâk njêng trong nchrăp chuh vaccine an kon se ntơm bah 5 tât bah dâng 12 năm deh; an ntĭm nti trong uănh năl mham, an gŭ rgum êng đah kon se, đăp mpăn tâm di, khoa học; ntĭm nti groi nđôi ngăch dăng n'hâm suan kon se, kon se nti ơm geh nău ji bah ndŭl me, geh nkô̆ nău mpeh n'hâm suan rnôk ntưp nău ji; ôp uănh tay quy định mpeh jŏ nar an gŭ rgum êng ta jay đah kon se, kon se nti lah F1 đăp mpăn tâm di. Bộ Giáo dục n'hanh Đào tạo leo ƀư, dăp rgum tay ăp trong ntĭm nti pơk sŏng dăng, ma trong ƀoh rup kơt du ntil ndơ khlay tâm trong tĭng  ƀư rgâl mhe ntĭm nti./.  

Nuĭh rblang: Điểu Thân