Groi Thủ tướng Trần Hồng Hà râng n’hanh ntoh ngơi ta nar ƀư. Aơ lah rơh bôk năp ƀư ntô̆ n’hao bu ur gĭt blău nău kan dak si dơi ƀư, gay djôt dơn ăp nău rgop dŭt n’hâm n’hanh săk rnglăy bah ăp nuĭh ntoh lư tâm nău kan hun hao wăng sa-rêh jêng n’hanh n’hâm soan njrăng n’gang srê Covid-19. Tâm rnoh 51 bu ur gĭt blău ntoh lư nău kan dak si dơi ntô̆ n’hao rơh aơ, geh 1 hê giáo sư, 15 groi Giáo sư, 17 Tiến sỹ, 9 Thạc sỹ, du hê Điều dưỡng viên.

Ntoh ngơi ta nar ƀư, Groi Thủ tướng Trần Hồng Hà uănh lah prêh ăp nău rgop tâm nău kan mât uănh, săk soan nuĭh ƀon lan bah rmôt bu ur gĭt blău nău kan dak si lah nsum n’hanh 51 nuĭh ntoh lư dơi ntô̆ n’hao rơh aơ lah êng. Lơn lah, tâm rlău 3 năm bah năp njrăng n’gang srê Covid-19, âk bu ur gĭt blău lĕ mô rlu nsơr soan, mĭn njêng khoa học, đê̆ đŏng mô klach jêr jŏt, hăn tâm ntŭk srê gay ntop kơl, ndơ̆ ăp nău mĭn ƀư ngăn, bah nĕ rdâng săk rnglăy đah srê.