VOV4.Mnông- Nău mbơh bâh ntŭk kan mât njrăng nuh srê ta Hà Nội an gĭt nar 20/2, ta nkuăl ƀon têh kơp dơn geh 5102 nuĭh ntưp SARS-Cov2, tâm nĕ geh 1518 nuĭh tâm ntŭk rêh jêng. UBND nkuăl ƀon têh Hà Nội pă an UBND ăp quận, nkuăl, nkuăl têh ntĭm đă ăp xã, phường, nkuăl têh dơn nău kan leo ƀư uănh nđôi n’hanh njêng nchih săk ăp rnăk ƀon lan geh rmôt nuĭh mbra geh ntưp âk. Nĕ lah nuĭh geh ơm nău ji tâm săk, nuĭh bâh 65 năm deh let lơ, bu ur geh bŭn, nuĭh mô hŏ chuh vacxin njrăng Covid-19 ta nuĭh bâh 18 năm deh let lơ. ăp ntŭk knơm ta rnoh nuĭh bâh rmôt nuĭh mbra geh ntưp âk ta ntŭk gay ma uănh năl nchrăp xét nghiệm test ngăch, ntĭm đă ăp ntŭk geh tât rvăt năp lor ndơ test gay ma xét nghiệm êng.

Nuĭh rblang: Thị Đoắt