Nar 4/11, Hội Chữ thập đỏ n'gor Dak Lak kan nsum đah Prăk nkrem kơl an nsum mpôl Đinh Thiện Lý (nkual ƀon têh Hồ Chí Minh) ƀư pă an ndeh rlă, ndeh rgoh an nuĭh quet nte ta n'gor.   

167 bôk ndeh rlă, 19 ndeh rgoh n'hanh 3 rpaih ndăl nti hăn đah lĕ rngôch rnoh khlay 323 rkeh prăk dơi pă an tât 189 nuĭh quet nte ta n'gor Dak Lak. Aơ lah bôk nău kan geh nău rŏng kon nuĭh jru hvi, kơl nuĭh quet nte geh ndơ rsong hăn, dơh lơn tâm nău gŭ rêh ăp nar.

N'gor Dak Lak aƀaơ geh nklăp 78.000 nuĭh quet nte, tâm nê geh 22.236 nuĭh dôl geh lam rêh jêng kon nuĭh pêt mât. 5 năm aơ, Hội Chữ thập đỏ n'gor rgŏ jă, kan nsum pă an 589 ndeh rlă, ndeh rgoh an nuĭh quet nte. Nău kan dja mbra dơi ăp gưl Hội an ƀư tay tâm let năp tay, gay kơl nuĭh quet nte geh tay nuih n'hâm rhơn nđơr rlău dơi jêr jŏt nsan hao tâm nău rêh.

VOV Tây Nguyên/Nuĭh rblang: Điểu Thân