VOV4.M’nông – Nar 27/2, rnoh nuĭh ntưp Covid-19 ta n’gor Gia Lai bôk năp rlău 1.100 nuĭh du nar. N'gâng kan ƀon lan lĕ ntrŭnh an kon hŏk mầm non n’hanh Tiểu học ta nkual ƀon têh Pleiku dơi an rlu nti ta ngih sam ƀŭt, plơ̆ tay nti trực tuyến bah nar 28/2.

Ăp ntŭk ntĭm nti đăp mpăn trong kan njrăng n’gang srê

2 ntŭk geh rnoh nuĭh ntưp âk ngăn tâm nar 27/2 lah nkual ƀon têh Pleiku (356 nuĭh) n’hanh nkuăl Đăk Đoa (198 nuĭh). Ban ntĭm rđău njrăng n’gang srê Covid-19 n’gor Gia Lai năl lah, aƀaơ, âk nuĭh Covid-19 tâm ntŭk gŭ rêh ta n’gor mô hŏ gĭt tu tơm ntưp, lĕ geh nău mĭn rvê thơ tha bah nuĭh ƀon lan, nău aơ dŭt dơh geh nău ntưp rêng srê. Ndrĭ, ban ntĭm rđău đă nuĭh ƀon lan n’hao njrăng yơn mô rvê, mô klach; ƀư tĭng uĕh ăp trong njrăng n’gang srê Covid-19.

Nuĭh rblang: Y Sưng Phê Ja