VOV4.M'nông: Lah n'gor geh ma nău ntoh ji rtoh luh dôk ta nuĭh lăp, tĭng ƀư nău ntĭm nti bah Bộ Y tế, n'gâng kan dak si n'gor Kon Tum hŏ lor nchrăp an ƀư ăp trong rdâng lơh n'hanh njrăng n'gang nău ji. Tĭng ƀư nău ntĭm nti bah Bộ Y tế, n'gâng kan dak si n'gor Kon Tum hŏ n'hao dăng pah kan groi nđôi gay ơm băl saơ nuĭh geh ntưp ji rtoh luh dôk ta nuĭh. Ndrel đah nê rdâk njêng ăp rêng ƀư sŏk mham n'hanh an gŭ rgum êng lah nkhêp geh nuĭh ntưp ji. Đah ăp nuĭh mĭn geh ntưp đah nău ji rtoh luh dôk, nhih pah kan dak si ngăch nkra lơh bah n'hanh njuăl mham tât Viện Vệ sinh Dịch tễ Tây Nguyên uănh năl gay ơm gĭt. Bác sỹ chuyên khoa II Đỗ Ngọc Hòa, Groi Giám đốc Sở Y tế n'gor Kon Tum an gĭt, lah n'gor geh ma nău ntưp nău ji rtoh luh dôk ta nuĭh, n'gâng kan dak si n'gor Kon Tum ân lor nchrăp rdâng lơh n'hanh tĭng ƀư jăp ntơm bah rêng kan njrăng n'gang ji./.

Nuĭh rblang: Điểu Thân