VOV4.M'nông: Lor nchrăp njrăng n'gang nău ji an kon se tâm rơh rgâl khay, Sở Y tế n'gor Kon Tum hŏ rđău đă Ntŭk rgum mât kân kop ji n'hanh ăp ntŭk kan dak si tâm dâng n'hao âk tơ̆ nkoch trêng nău lư mpeh nău klach rvê bah du đêt nău ji đah kon se.

Ndrel đah nê ma âk trong ƀư, kơt nkoch trêng ma loa, ndeh loa hăn nkoch trêng, lha si ƀŭt, nchih nkoch, n'glăp pơk ta mạng xã hội…ntĭm nti ƀon lan trong njrăng n'gang ăp ntil nău ji an kon se. Tât rnôk dja ta n'gor Kon Tum, rnoh nuĭh ji ta kon se hŭch rđĭl đah ndrel khay dja  năm e nơh, na nê̆ kơt nău ji jâng- ti- mbung hŭch 37 nuĭh, ji rtoh luh hŭch 53 nuĭh...Yơn lah, tĭng nău way 3 năm du tơ̆ tât, năm 2022 dơi nchroh lah năm ntoh luh dŭt hô ji luh mham rih ta Kon Tum.

Nuĭh rblang: Điểu Thân