Tâm n’gor Kon Tum nau ji măt chăng ntưp rêng ngăch tâm âk ngih săm ƀŭt ƀư mô đê̆ kon se rlu nti gŭ tâm ngih gay ma săm. Nai dak si Nguyễn Hữu Thâm, Kruanh Jrâu kan nchraơ kan rgum, Ngih dak si Măt Kon Tum mbơh, ntơm bôk khay 9 tât rnôk aơ, tâm du nar geh 20 nŭih ji măt chăng tât khám, săm tâm ngih dak si, ngăn lah kon se ndrel năm kon se dôl nti.

Tĭng nau nkah njrăng bah n’gâng kan dak si, gay ma njrăng nau ji chăng măt ri ân geh rao kloh ty ma sa ƀu, mô pah ty tâm mbung, măt, muh, mô dŏng ndơ dŏng bu êng, răk kloh măt, mơr dŏ ăp nar ma dak boh sinh lý ndrel ăp ntil dak si ntruh măt, ntruh tâm mbung vay dŏng, dŏng sa ƀu mô lah ăp ntil ndơ nkhĭt kman ƀư rao kloh ăp ntil ndơ dŏng bah nŭih ji, mô ân geh tâm mâp ma nŭih ji mô lah geh ntôn lah nau ji chăng măt./.