VOV4.M’nông: Tĭng nau kơp năl bah N’gâng kan dak si n’gor Kon Tum, nau tât ntoh luh srê Covid-19 ndrel ji rtoh trong mham ƀư âk nau srê ji geh tât tâm nkuăl dôl ma hô. Ntơm bôk năm tât rnôk aơ, lam n’gor kơp dơn geh bơi tât 47 rbăn nŭih ntưp ma srê SARS-Cov2. Lam n’gor kŏ kơp dơn geh 93 ntŭk geh srê ji rtoh trong mham, đah 393 nŭih ntưp srê. Nau rvê ngăn nê lah, rnôk aơ ƀon lan mô uănh njrăng, mô ŭch chuh tay vắc xin njrăng rdâng srê Covid-19 ndrel nau leo chuh nkah tay vắc xin ntơm 12 năm hao gŏ lơ hôm dêh. Đah srê ji rtoh trong mham, nŭih ƀon lan hôm thơ tha, mô uănh njrăng nau kan njrăng rdâng bah srê ji. N’gâng kan dak si n’gpor Kon Tum dôl ma nsôih ƀư ăp nau kan njrăng rdâng gay ma mô ân geh nau tât khuch bah âk ntil srê nuh, tâm nê ntrŭt dăng nau kan chuh n’gang vắc xin Covid-19 ndrel nau ƀư nkhĭt bu bi, tăp măch, rep kloh ntŭk ntu gŭ âm gay ma njrăng rdâng srê rtoh trong mham./.

Nŭih rblang: H’Thi