VOV4.M’nông- Nău mbơh bâh ntŭk kan ntĭm n’hanh nti n’gor Kon Tum nar 2/3/2022 an gĭt, lam n’gâng kan dôl geh 3.078 kon hoc n’hanh nai nti lah F0. Na nê̆ tâm rnoh aơ geh 416 cán bộ, nai dak si, nuĭh kan n’hanh 2.662 kon hoc lah F0.

Tâm nĕ, THCS lah gâl nti geh âk F0 ngăn đah 1.302 oh, geh dŭt đê̆ lah gâl nti mầm non 256 oh. Aƀaơ bol ma geh tât 3.078 kon hoc n’hanh nai nti lah F0, yơn lĕ rngôch ăp ntŭk kan ntĭm n’hanh nti ta Kon Tum hôm nha geh nti ta ngih nti đah lĕ rngôch ăp gâl nti đah rnoh kon hoc hăn nti ta ngih nti lah 86%. kanŭng geh du đê̆ nti trực tuyến gay ma njrăng srê. Nău ngăn an saơ nău mât njrăng rnoh ntưp nuh srê Covid-19 ta ăp ngih nti ta Kon Tum, ngăn lah nkual rnoi đê̆ dôl mâp âk nău jêr jŏt.

Nuĭh rblang: Thị Đoắt