VOV4.M’nông – Ta n’gor Kon Tum ăp khay bah năp rnoh F0 an săm rgum hao tât hang rhiăng nuĭh ri tât ăp nar bôk khay 4 aơ lĕ hŭch. Nău mbơh bah N’gâng kan dak si n’gor Kon Tum an gĭt, aƀaơ ta lam n’gor knŭng geh 65 F0 dôl an săm rgum ta ăp ngih dak si. Ndrel đah nĕ rnoh F0 geh nău ji mbăn an tât ngih dak si săm geh trong hŭch na nao.

Ngih dak si xă Ia Chim, nkual ƀon têh Kon Tum mbơh ntĭm an nuĭh ƀon lan jêh chuh vaccine njrăng n’gang Covid-19

Tiến sỹ-Nai dak si chuyên khoa 2 Võ Văn Thanh, Kruanh n’gâng kan dak si Kon Tum an gĭt, Ndrel đah nău mât uănh, groi nđôi, săm an 3.500 F0 aƀaơ dôl nkhah êng săm ta jay, nău kan dak si n’gor nchrăp an nău săm, mbơh ntĭm ăp nuĭh bah kơi jêh Covid-19. Bah rnôk srê tât aƀaơ nău kan dak si n’gor Kon Tum lĕ kơp dơn nklăp 45.000 nuĭh ntưp Covid-19. Tâm nĕ geh rlău 40.000 nuĭh nkhah êng uănh nđôi săm bah ta jay.

.

Nŭih blang: Y Sưng Phê Ja