Nkhêp nkah ndray 68 năm Nar nai dak si Việt Nam, ôi 27/2, Kruanh rđău kan Tỉnh ủy n'gor Dak Lak hŏ tât khâl, an kao si mbah rhơn ăp nhih pah kan dak si ta n'gor. Mpôl hăn hŏ tât khâl Nhih dak si nkual Tây Nguyên, Nhih dak si Thiện Hạnh n'hanh Viện Vệ sinh Dịch tễ Tây Nguyên. Ntơh măt kruanh rđău kan Tỉnh ủy, Groi bí thư Tỉnh ủy Y Biêr Niê nchih nkah, rnê âk nău dơi pah kan bah ăp nhih pah kan dak si tâm bah ri aơ nơh, lơn lah nău tĭng ƀư nău dơn kan njrăng n'gang geh nău tam nuh srê Covid 19 nkre đăp mpăn mât chăm ngăch dăng  n'hâm suan ƀon lan.

Nkre, ŭch rŏng cán bộ, y bác sỹ, nuĭh kan dak si nsrôih tay, nkra bah jêr jŏt, n'hao nău gĭt blău mât chăm n'hâm suan nuĭh ƀon lan jăp uĕh lơn. Geh tât nkô̆ nău an mô tŏng dak si n'hanh ndơ dŏng kan dak si ƀư jêr jŏt tâm  pah kan ma ăp Nhih dak si ta n'gor dôl mâp, Kruanh rđău kan Tỉnh ủy n'gor Dak Lak lah rjăp mbra joi trong nchră droh rklaih.