VOV4.M’nông -  Nău kan dak si n’gor Lâm Đồng dôl ndăn ƀư trong nchrăp chuh vaccine njrăng n’gang Covid-19 an nuĭh kon se bah 5 tât 12 năm deh. Lam n’gor aƀaơ geh rlău 179.600 kon se bah 5 tât 12 năm deh. Rơh chuh bôk năp an rmôt aơ, nchrăp mbra geh 13.700 kon se tŏng 11 năm tât 12 năm deh, dơi chuh vaccine Moderna.

Lâm Đồng chuh 13.700 dĭng vaccine njrăng n’gang Covid-19 an kon se.

Aƀaơ, N’gâng kan dak si n’gor Lâm Đồng lĕ tâm pă lĕ rngôch vaccine aơ an ăp ntŭk kan ta lam n’gor gay ăp ntŭk ƀư chuh tĭng nău ntrŭnh, n’hanh mbra jêh chuh tâm nar 25/4. Wa Huỳnh Thị Phương Duyên, Groi kruanh N’gâng kan dak si n’gor Lâm Đồng an gĭt, ndrel đah nchrăp uĕh an rơh chuh, ăp ntŭk tâm n’gor nkoch trêng tay gay nuĭh ƀon lan mô ndrat, thơ tha ăp trong njrăng n’gang srê.

Nŭih blang: Y Sưng Phê Ja