VOV4.M’nông- Aƀaơ Lâm Đồng geh klâp ma rlău 130 rbăn dĭng vacxin ê hŏ chuh. Der geh rnoh vacxin aơ tŭp di nar lĕ dơi dŏng, n’gor Lâm Đồng đă n’gâng kan dak si bâh n’gor ntĭm đă ăp ntŭk kan geh tât ngăch ndăn leo ƀư chuh vacxin njrăng rdâng Covid-19 an nuĭh ƀon lan nđâp ma tâm ăp nar dŭt pơh n’hanh rơh nar rlu.

Tâm nĕ, rgum chuh tŏng nglai an oh kon se bâh 5 tât ba dâng 12 năm deh, ƀư lôch ơm nău chuh nglai 3 an nuĭh bâh 12 năm deh let lơ n’hanh chuh nglai 4 an nuĭh bâh 18 năm deh let lơ...Mât đăp mpăn rơh chuh vacxin njrăng Covid-19 aơ mbra geh ƀư lôch ta năp nar 15/9 atay. Tĭng nău mbơh bâh wa Nguyễn Văn Bôn, groi Giám đốc ntŭk kan dak si nkuăl Đơn Dương n’gor Lâm Đồng, du đê̆ nuĭh ƀon lan hôm e geh âk nău mĭn rvê ta tâm nău an oh kon se chuh vacxin njrăng rdâng Covid-19, yor nĕ ntŭk kan dôl geh tâm rgop đah n’gâng kan ta ntŭk leo ƀư ăp mpôl kan mbơh tơih săch tât ăp ntŭk ƀon lan gŭt gay ma rgŏ jă.

Nuĭh rblang: Thị Đoắt