VOV4.M’nông - Kêng măng 6/9, Mpôl pah kan bah N’gâng kan dak si yor Groi kruanh n’gâng kan Đỗ Xuân Tuyên ƀư kruanh rmôt kan lĕ geh nar pah kan đah UBND n’gor Kon Tum mpeh trong kan hun hao dak si n’hanh ngăch ƀư ăp nău nchrăp ƀư dak si bâh dâng dŏng prăk ODA. Ta nar pah kan, Groi Kruanh n’gâng kan Đỗ Xuân Tuyên đă Dak Nông an uănh mĭn hun hao nuĭh kan y dược cổ truyền, uănh tay Hội đông y hăn ndrel đah ngih dak si ăp nkuăl, hun hao tơm dak si nam ta ăp ngih dak si; nkre ơm geh dăp rgum hun hao rnoh neh tơm dak si, ngăn lah tơm dak si bah dâng bri; uănh khlay wăch rgum ntuh kơl tăm tơm dak si hăn ndrel đah pâl nđaih.

Lam ntŭk nar pah kan

Geh tât chuh vaccine Covid-19, Groi kruanh n’gâng kan dak si ntĭm rđău n’gor an n’hao ngăch chuh lam hvi tay đah nău mĭn dŭt n’hâm chuh njrăng n’gang srê. Đah nău rwăt năp ndơ dak si, ndranh rwăt dak si, Groi Kruanh n’gâng  kan đă Dak Nông kơp uănh tay ăp nghị định, thông tư gay dăn đă dôh rklaih jêr jŏt, wăk kol, nkra rgâl ăp nkô̆ nău mô hôm tâm di.

Nŭih blang: Y Sưng Phê Ja