VOV4.M'nông: Nar 13/7 Mpôl pah kan bah Bộ y tế tă bah wa Bùi Khánh Toàn, Groi Viện trưởng Viện Vệ sinh dịch tễ Tây Nguyên ƀư kruanh mpôl hŏ  hăn ôp uănh pah kan njrăng n'gang ji luh mham rih ta Dak Lak. Mpôl hŏ hăn ôp uănh pah kan njrăng n'gang ji luh mham rih ta nkuâl Lăk- ntŭk dôl duh hô mpeh rnoh nuĭh ji luh mham rih ta n'gor n'hanh ôp uănh pah kan wơt kơl lăp săm nuĭh ji luh mham rih ta nhih dak si nkual Tây Nguyên.

Tĭng wa Bùi Khánh Toàn aƀaơ ji luh mham rih ta Dak Lak dôl tât krit nji, geh ma nău ntoh luh lam hvi tâm let năp tay, yor kơt nê̆, rlău ma pah kan nkoch trêng nuĭh ƀon lan tĭng ƀư ăp trong njrăng n'gang nuh srê, nkô̆ nău wơt kơl lăp  săm nuĭh ji luh mham rih dŭt khlay đŏng. Kơp tât rnôk dja, n'gor Dak Lak năl geh bơi 1.300 nuĭh ji luh mham rih, đah 76 tơm nuh srê, hao âk rlău 4 tơ̆ rđĭl đah ndrel khay dja năm e nơh. Nuh srê ji luh mham rih aƀaơ geh lĕ rngôch ta 15/15 nkuâl, thị xã,  nkual ƀon têh bah n'gor./.

Nuĭh rblang: Điểu Thân