Ăp nar rlău aơ, n’gor Dak  Lak năl geh mbro 4 kon se ntưp ji luh mê gŭr, n’hao lĕ rngôch rnoh nuĭh ji luh mê gŭr tâm năm aơ hao 5 nuĭh. Gay nking nchăng nău ntưp rêng bah ji luh mê gŭr, n’gâng kan dak si dôl ndăn ngăch ôp uănh nuh srê n’hanh chuh ntop, chuh ntêr vắc-xin njrăng n’gang ji luh mê gŭr an kon se.

5 nuĭh ji luh mê gŭr  ta ăp nkuâl Cư Kuin, Buôn Đôn, Krông Buk n’hanh nkual ƀon têh Buôn Ma Thuột. Tâm  nê geh 3 kon se mô hŏ chuh vắc-xin njrăng n’gang. Tĭng wa Hoàng Hải Phúc, Giám đốc Ntŭk rgum mât kân  kop ji n’gor Dak  Lak, nkô̆ jêng tât nău ji luh mê gŭr hao âk tâm bah ri  aơ nơh lah tă bah n’gâng kan  ta ntŭk mô tŏng geh vac-xin chih n’gang ji luh mê gŭr tâm  năm 2023 n’hanh ăp khay bôk năm 2024. Aƀaơ vắc-xin hŏ rgum geh ăp tŏng, n’gor dôl rgum ra tay ăp kon se  mô hŏ chuh n’gang vắc-xin ta ăp ntŭk geh nuĭh ji luh mê gŭr gay ƀư ntop chuh tay, chuh ntêr.