N’gâng kan dak si n’gor Dak Lak ndăn ngăch an ƀư ăp trong nkhah wăr, rdêl bah nuh srê ji jâng ti mbung ta du nhih nti mầm  ta xã nkual jru nkual ngai mpeh nkuâl Ea Súp.

Tơm nuh srê ji jâng ti mbung geh ta jrô lá 2, nhih nti mầm non Hoa Lan, ta thôn Chiềng, xã Ya Lốp, nkuâl Ea Súp. Nău ji đah nău mpơl,  ji khar ko, mô lăp sa, dô mbung n’hanh geh luh pŭk dak  ta mpang jâng, mpang ti, kô̆ mâk n’hanh play pêt. Ăp kon se nti ntoh nuh srê hŏ dơi nhih nti  an rlu nti  n’hanh đă me bơ̆ njŭn kon se hăn but săm  ta ntŭk kan dak si. Lôch rnôk năl geh nuh srê, Trung tâm y tế nkuâl Ea Sup hŏ rđău đă Nhih dak si xã Ya Lốp kan nsum đah nhih nti ôp uănh nuh srê ăp nuĭh ji; puh dak si nkhĭt kaman n’hanh jut rao  kloh uĕh jrô nti,  ndơ pâl rlưn an kon se. Tĭng wa Dương Văn Hải, Groi khoa mât kân kop ji - Trung tâm y tế nkuâl Ea Súp, tât kêng măng 2/4, rlău ma 8 nuĭh ji  năl geh ta nhih nti mầm non Hoa Lan, ta xã Ya Lôp năl saơ geh tay du hê kon se mpơl nău ji  jâng ti mbung. Pah kan nchih wăr, rdêl bah nuh srê n’hanh ntĭm nti njrăng n’gang nuh srê dôl dơi Trung tâm y tế ndăn ngăch an ƀư./.