Ta n’gor Kon Tum, ji luh mham rih dôl tât ndal krit nji đah rnoh nuĭh ntưp hao âk. N’gâng kan dak si Kon Tum dôl nsrôih an ƀư pah kan njrăng n’gang , nking nchăng bah jêng nuh srê têh. Khay 8  mhe aơ n’gâng kan dak si n’gor Kon Tum năl geh 71 nuĭh ji luh mham rih hao 20 nuĭh rđĭl  đah khay bah năp nơh. Ta ntŭk năl geh dŭt âk nuĭh ji lah nkuâl Kon Rẫy đah 26 nuĭh n’hanh 8/10 nkuâl, nkual ƀon têh bah n’gor geh nuĭh ji.

Tĭng bác sỹ chuyên khoa II Đỗ Ngọc Hoà, Groi Giám đốc Sở Y tế n’gor Kon Tum, ji luh mham rih ta n’gor aƀaơ mô lâp tĭng 3 năm geh du tơ̆ ntoh têh ma ăp năm geh ntoh da dê n’hanh mô geh tĭng khay. Aƀaơ n’gor Kon Tum dôl geh ăp rơh mih ntoch jong, njêng ntŭk uĕh an rhai dak, tăp măch deh rơ̆, geh ma nău jêng ntoh luh nuh srê ji luh mham rih. N’gâng kan dôl n’hao dăng pah kan njrăng n’gang nuh srê ji luh mham rih, leo ƀư nkhĭt rhai dak, tăp măch mât kloh uĕh ntŭk gŭ rêh.