VOV4.M’nông: N’gor Dak Lak dôl lŏ ntrŭnh ƀư nau chuh vắc xin njrăng rdâng srê bạch hầu rơh 3, đạh nkô̆ ân geh 95% nŭih tâm ƀon lan geh chuh vắc xin. Wa Nay Phi La, Giám đốc n’gâng kan dak si n’gor Dak Lak mbơh, rnoh vắc xin njrăng bạch hầu (vắc xin TD) geh pă ân rơh aơ lah 743.000 dĭng. N’gâng kan dak si rđau trong kan dak si kơp uănh tâm ăp xã, mô lah ăp nkuăl geh nŭih ji ân geh tŏng chuh ăp, đăp mpăn nŭih geh chuh tŏng 2 nglai.

Rnoh geh chuh rlau 95% tâm ăp xã, phường, nkuăl têh, ngăn lah tâm nkuăl jru, nkuăl ngai, ntŭk ndơn nau kan dak si ê âk. N’gâng kan dak si pă tŏng tơm kan, ndơ dŏng kŏ kơt lah ƀư nau chuh n’gang tĭng nau ƀư. Nau kan chuh vắc xin njrăng ji bạch hầu tâm rnôk kon se ntơm 5 tât 11 năm ê geh chuh vắc xin njrăng Covid-19 mra dơi geh săk tam bar ntil tâm nau njrăng rdâng srê./.

Nŭih rblang: H’Thi