VOV4.M’nông- Ntŭk kan mât njrăng nău kop ji nkuăl ƀon têh Hồ Chí Minh an gĭt, nkuăl ƀon têh kơp dơn tay 1 hê nuĭh khĭt yor kop luh mham rih. Kơt nĕ lĕ geh 17 nuĭh khĭt yor kop luh mham rih bâh bôk năm tât aƀaơ, hao 14 nuĭh đah năm 2021. Tâm pơh bôk năp bâh khay 8 bâh nar 1-7/8, nkuăl ƀon têh Hồ Chí Minh kơp dơn geh 3.066 nuĭh kop luh mham rih, tâm ban đah rnoh ntưp ba năp, hŭch 6,4% đah nău râng geh 4 pơh ba năp, tâm nĕ geh rnoh gŭ săm ta ngih dak si hŭch 3,5% n’hanh gŭ săm bah dih hŭch 9,4%. Rgum kơp lĕ nuĭh ji bâh bôk năm tât aƀaơ, nkuăl ƀon têh Hồ Chí Minh geh 39,449 nuĭh ntưp nău ji yor kop luh mham rih, hao rlău 378% đah khay aơ năm 2021, đah rnoh kop luh mham rih hao lah 679 nuĭh. Nkuăl ƀon têh lĕ geh kơp dơn tay 181 nuh srê luh mham rih ntoh luh ta 96 phường, xã ta 20/22 quận, nkuăl, nkuăl ƀon têh Thủ Đức, hŭch 18 ntŭk ntưp srê đah 2 pơh ba năp nĕ.

Nuĭh rblang: Thị Đoắt