Tĭng nĕ, ntŭk kan dak si nkuăl ƀon têh Hồ Chí Minh mbra kơl an n’gâng kan dak si ăp n’gor ta Tây Nguyên tâm nău n’hao an săk rnglăy, tam tâm nău kan njrăng rdâng nuh srê, kơl an mbơh nti kĩ thuật đah ăp ngih dak si têh, chuyên khoa ngih dak si ba lơ ta nkuăl ƀon têh Hồ Chí Minh n’hanh ăp ngih dak si ăp nkuăl  ăp n’gor ta Tây Nguyên.

Wa Nay Phi La, Giám đốc Sở y tế n’gor Dak Lăk an gĭt, lôch rnôk dơn ngoăy ăp nkô̆ nău tâm kơl kan, ntŭk kan lĕ geh sƀ ntĭm đă ăp ngih dak si ta ntŭk rdâk njêng nău nchrăp kan na nê̆ gay ma mbơh tơih an săk rnglăy nkô̆ nău tâm rgop kan. Nchrăp lôch bâh 3 tât 6 khay, n’gâng kan dak si Dak Lăk mbra geh mât dơi du đê̆ kĩ thuật way kan ma nkuăl ƀon têh Hồ Chí Minh lĕ n’hanh dôl geh ƀư.