VOV4.M'nông: Ta rơh hop báo Chính phủ way ăp khay khay 2, Thứ trưởng Bộ y tế Đỗ Xuân Tuyên an gĭt: Bộ hŏ rdâk njêng trong nchrăp chuh vaccine COVID-19 an kon se ntơm bah 5-11 năm deh n'hanh mbơh Chính phủ. Thủ tướng Chính phủ n'hanh hŏ geh Nghị quyết ŭch an rvăt vaccine chuh an kon se ntơm bah 5-11 năm deh đah rnoh âk nklăp 21 rkeh dĭng chuh an nklăp 11,9 rkeh kon se đah 2 n'glai chuh đŏng. Lôch sŏk nău rgop, lơn lah me bơ̆ kon se ntơm bah 5-11 năm deh, 78% me bơ̆ ŭch an chuh, bôk năp nuĭh ƀon lan dŭt ŭch đah nău chuh vaccine COVID-19 an kon se ta rmôt năm deh dja. Nsrôih tâm khay 3 n'glăp dơi 7 rkeh dĭng vaccine njrăng n'gang Covid-19 bah hãng Pfizer/BioNTech sĭt chuh an kon se ntơm bah 5-11 năm deh./.

          Nuĭh rblang: Điểu Thân