Kêng măng 5/7, ta Ngih rƀŭn Thiếu Nhi nkuăl ƀon têh Pleiku, Rnâng kan ƀư Ntrong hăn Gur Trung ương tâm rgop nsum ma Rnâng kan rgŏ jă yur mham kơl an Trung ương tâm rgop nsum ma Rnâng kan rđau nau yur mham kơl an bah n’gor Gia Lai ƀư nau ntơm pơk nau kan Ntrong hăn gur tal IX ndrel rnê ryơk ăp nŭih yur mham kơl an ntoh lư năm 2024. Aơ lah rơh tal 9 n’gor Gia Lai ƀư nau kan Ntrong hăn Gur. Ăp rơh bah năp nê, nau kan yur mham kơl an mro geh âk mpưm nŭih ƀon lan tâm Gia Lai kơl an, rnoh nŭih râng nau yur mham nar lơn ma âk ndrel rnoh geh mham rgum bah năm bah kơi âk lơn năm ba năp.

Tĭng Rnâng kan rđau nau yur mham kơl an n’gor Gia Lai, ntơm bôk năm tât rnôk aơ lam n’gor ƀư geh 54 tŏ yur mham, ndơn geh rlau 10.400 đơn vị mham. Tâm nau kan Trong hăn gur rơh aơ, Rnâng kan ƀư luh nkô̆ nau rgum geh đê̆ ngăn lah 600 đơn vị mham, tŏng dơi nau pă kơl an ndrel săm tâm ăp ngih dak si. Tâm Bôk nau kan, Rnâng kan yur mham kơl an n’gor Gia Lai pă săm ƀŭt rnê ân 17 rmôt, 3 rnăk vâl ndrel 25 nŭih hŏ geh anu dơi ngăn ngên tâm nau kan rgŏ jă yur mham kơl an năm 2023-2024./.