VOV4.M'nông: Nar 22/4, UBND n'gor Dak Lak hŏ n'glêh an rlu nău kan Nhih dak si manh ntăm ƀư mbrô 1 (ta Ký túc xá Nhih nti Cao đẳng Sư phạm Đăk Lăk). Nhih dak si dja lăp dŏng kan ntơm bah bôk khay 8/2021, đah rnoh têh hvi 1.000 nsưng bĭch ji. Tâm rnôk dŏng kan, nhih dak si hŏ rgum wơt săm an bơi 10 rbăn nuĭh ji Covid-19.

Đah nău n'glêh an rlu kan, UBND n'gor Dak Lak jao an Ban Giám đốc Nhih dak si manh ntăm ƀư mbrô 1 đah Sở Y tế n'hanh ăp nhih pah kan geh tât ƀư lôch jêh ăp si ƀŭt kan; nkre tĭng ƀư ăp trong puh nkhĭt kaman, jut rao kloh mplơ̆ tay drăp ndơ an Nhih nti Cao đẳng Sư phạm Đăk Lăk gay nhih nti dŏng nti tay./.

Nuĭh rblang: Điểu Thân