VOV4.M'nông: Kơp ntơm bah bôk năm tât aƀaơ, n'gor Gia Lai geh rlău 6.400 nuĭh ji ta 287 tơm nuh srê ji luh mham rih ta lam ăp xã, phường, thị trấn; hŏ geh 1 hê nuĭh khĭt. Tâm khay 9 mhe aơ, rnoh nuĭh ntưp ji luh mham rih hao âk ndal, đah rlău 2.400 nuĭh.

Ăp nkuâl geh âk nuĭh ntưp ji luh mham rih lah nkuâl Đăk Pơ, nkual ƀon têh Pleiku, nkuâl Krông Pa… ăp  ntŭk kan dak si rgum ăp tơm ndơ gay mât đăp mpăn pah kan săm nuĭh ji luh mham rih. Tĭng Sở Y tế Gia Lai, n'gor hŏ nchroh dơi nô nău ji luh mham rih mbra hao âk tâm khay 9 n'hanh khay 10 yor aơ lah rnôk mih suh prăng sơh dơh an mănh rơ̆ jêng, Sở y tế hŏ rđău đă rgum an ƀư mât kân nuh srê n'hanh pah kan săm nuĭh ji bah tâm dâng./.  

VOV Tây Nguyên

Nuĭh rblang: Điểu Thân