Tĭng nău mbơh bâh ntŭk kan mât njrăng nău kop ji n’gor Gia Lai, bâh bôk năm tât aƀaơ, lam n’gor lĕ geh kơp dơn rlău 1.400 nuĭh ntưp nuh srê luh mham rih đah 507 ntŭk geh srê.

Ăp nău ji luh mham rih hao âk bâh khay 5 n’hanh jŏ tât aƀaơ yor ta khay mih lah nău dơh an măch deh tăp, deh kon. Aƀaơ n’gor hôm nha geh 80 ntŭk geh srê luh mham rih ê hŏ geh njrăng bah. Aƀaơ, ntŭk kan mât njrăng nău kop ji n’gor Gia Lai lĕ njêng mpôl pah kan tâm rgop đah ăp nkuăl ntĭm đă răng dăng nău kan njrăng rdâng n’hanh njrăng bah luh mham rih. tâm rgop đah ăp nkuăl ntĭm đă ntĭm leo ƀon lan, ngăn lah ăp xã geh nuh srê âk an geh mât njrăng ueh ntŭk gŭ rêh kơt lah nkhŭt dak nkân ta rchok, ƀư kuaih ueh ntŭk ntô. Tâm rgop đah ntŭk kan y tế nkuăl ƀư njrăng ăp ntŭk geh srê, mô an nuh srê hao ngăch.