- Puh rao kaman đah dak rao way dŏng kơt gri puh rao ơm dŏng; mô lah mpli dak rao ntu ăch chrach way dŏng geh nklăp 5% Sodium Hyboclorit tĭng rnoh 10ml dak rao đah 1 lít dak ngăn gay jêng dak dơi nkhĭt kaman; mô lah dŏng dak geh 0,05% clo hoạt tính; mô lah dak geh đêt ngăn 70% cồn. Knŭng mpli tŏng tâm nar. Nar nkhah êng jêh puh rao đêt ngăn 10 mnĭt.

- Kơl an puh rao lor đah jŭt rao, dŏng ndrôm ty ka su, bok put mbung rnôk ƀư, răk rao kaman.

- Ăp ntŭk ƀâ̆ an dơi ƀư kloh đah xa ƀu n’hanh dak lor rnôk puh rao kaman.

- Puh rao kaman đêt ngăn 1 tơ̆ du nar đah ăp ntŭk: neh jay, mpir, nsưng, ndơ dŏng, ntŭk geh pah n’hanh nkual ăch chrach.

- Puh rao đêt ngăn 2 tơ̆ du nar đah ăp ntŭk geh pah ƀa ƀơ, kơt ty nhŭp mpông, ty ntung, ntŭk lât ntung gung măy, ntŭk pơk điện, bàn phím măy tính, ndơ lât bah ngai, điện thoại dŏng nsum. Ăp ndơ dŏng, công tắt ŭnh, lor rnôk puh rao an dŏng lor cồn gay puh rao.

- Pă an tŏng thùng dơ ndŏk nja geh ndrŭp, an ta ntŭk dơh nơih.

- Ƀư tĭng rgum, mkra ndŏk nja ăp nar tĭng nău ntrŭnh.

          Nuĭh rblang: Y Sưng Phê Ja