Ôi 28/9, ta nkual ƀon têh Pleiku, Viện vệ sinh Dịch tễ Trung ương tâm rgop ma UBND n’gor Gia Lai ndrel ăp n’gâng kan bư rƀŭn gưl kan neh dak kơt tĭng Nar lam ntur neh njrăng-rdâng ji ndrăng năm 2023 đah nkô̆ Du n’hâm soan “All for One, One Health for all”. Tâm nar rƀŭn nkah, gay rƀŏng tât nkô̆ nau Việt Nam nsôih mô hôm nŭih khĭt yor ji ndrăng tâm năm 2030, n’gor Gia Lai ton ndrel nsum ty đah lam dak, ndrel ntrŭt jăng lơi nau ji ndrăng đah 2 nau kan khlay.

Đah ntŭk kan Thú y: Tâm rgop ma n’gâng kan n’hao nau njrăng mât mpôl so, eo. Đah ntŭk kan dak si: Mât 100% nŭih geh so ndrăng kăp geh rao kloh ntŭk sôt tâm di nau đă ndrel chuh vắc xin, huyết thanh njrăng rdâng ji ndrăng tĭng di nau ntrŭnh. Rơh aơ, ntoh măt ăp rđau kan ăp n’gâng kan, ntŭk kan Trung ương, ntoh măt ăp ntŭk kan lam ntur neh, rđau kan n’gor Gia Lai kí ton nau nsum ty njrăng, rdâng nau ji njrăng./.