Ôi 22/12, Rmôt nai dak si mom n’gor Dak Lak ƀư đại hội tal 4. Nkô̆ nau bah rmôt tâm rơh tât lah ƀư ueh ăp nau kan kơl an yor n’hâm soan nŭih ƀon lan; ntrŭt dăng nau kan bah ăp rmôt nŭih nai dak si mom tâm nkuăl ƀon lan. Rmôt nŭih nai dak si mom dôl pah kan tâm ăp ngih dak si, ntŭk ngih dak si ntơm bah n’gor tât nkuăl ndrel ăp ngih dak si pơk êng tâm n’gor.

Tâm 5 năm ma aơ, ăp gưl kan rmôt nŭih nai dak si mom tâm n’gor hŏ geh âk nau kan kơl an yor ƀon lan, kơt: ƀư geh 120 tŏ khám, mbơh n’hâm soan, pă dak si mô geh roh prăk ân 86 rbăn nŭih đah rnoh rlau 4,2 rmen; ntĭm nti ăp nau kan kơl săm an bôk năp ân âk rbăn nai ntĭm nti kon se mầm non, tiểu học tâm lam n’gor. Tâm năm kan mhe, rmôt nai dak si mom n’gor Dak Lak lŏ ƀư ueh nau kan ndrel nau dơi bah ăp nŭih bah ăp nau kan ntĭm nti, nchiăr nti, n’hao nau blau kan, ƀư ueh nau blau nau kan mhe tâm nau mĭn njêng khoa học ndrel ntrŭt dăng nau kan kơl an yor n’hâm soan ƀon lan./.