VOV4.M’nông – Bôl lam dak lĕ chuh geh rlău 255 rkeh dĭng vaccine Covid-19 an nuĭh ƀon lan, yơn rnoh chuh nglai 3, nglai 4 ta nuĭh bah 18 năm let lơ, lơn lah rnoh chuh 2 nglai vaccine an kon se 5 tât bah dâng 12 năm deh đêt, rnoh vaccine ăp ntŭk dăn bah aƀaơ tât dŭt năm đêt lơn nkôp đah rnoh an chuh. Nău aơ dôl n’gluh an ăp nău an dôh rklaih gay ntrôl ngăch lam hvi vaccine tâm khay tât. Aơ lah nkô̆ nău rơh rƀŭn trực tuyến njrăng n’gang srê bah N’gâng kan dak si đah 63 n’gor, nkual ƀon têh ƀư ôi 25/8. Gay ntrôl ngăch chuh, PGS.TS Nguyễn Thị Liên Hương, Groi kruanh N’gâng kan dak si an gĭt, N’gâng kan dôl đă n’gâng kan dak si ăp n’gor tâm rgop đah N’gâng kan ntĭm nti ntrôl ngăch ƀư chuh an kon se 5 tât 12 năm deh tâm khay 8-9/2022 n’hanh chuh an nuĭh 12 năm tât bah dâng 18 năm deh jêh tâm khay 9/2022 rnôk kon se plơ̆ tay ngih sam ƀŭt. Ƀư chuh an nuĭh bah 18 năm let lơ, n’hao rnoh lam hvi nglai 3 geh rlău 90%.

Nŭih blang: Y Sưng Phê Ja