VOV4.M’nông: Lơ 25/3, ta Hà Nội, ntŭk kan Hun hao lam ntur neh Hoa Kỳ (USAID) ndrel tơm prăk kơl an kon se Liên hợp quốc (UNICEF) ta Việt Nam hŏ jao ndoh ndơ dŏng ndrel dak si kơl an nau chuh njrăng vắc xin ân kon se. Ăp ndoh ndơ dŏng aơ geh rnoh tât du rkeh đôla, tâm nê geh 2,5 rkeh dĭng Xylanh ndrel 250 máy uănh njrăng nŭih dôl ma săm ji gay kơl an Việt Nam tâm nau njrăng srê Covid-19. Bah năp nê, đah nau dơi lah dak kan nsum bah COVAX tơm ta Việt Nam, tơm prăk kơl an kon se bah Liên hợp quốc kŏ hŏ jao 33 rkeh dĭng vắc xin njrăng rdâng srê Covid-19 yor Chính phủ Hoa Kỳ kơl ân Việt Nam./.

Nŭih rblang: H’Thi